ബാല്യം

വർണാഭമായ ഈ ലോകത്തു  നിറപ്പകിട്ടേകുന്നത് കുട്ടികുരുന്നുകൾ ആണ്.. അവരുടെ സന്തോഷങ്ങളും ചിരികളും  ആണ്  മാതാപിതാക്കൾ കഴിഞ്ഞുള്ള മറ്റൊരേ ഒരു സ്വർഗം... നിഷ്‌ഫലമാം ബാല്യം..... എന്നും  പുഞ്ചിരിയോടുകൂടി ഹായ് ആന്റി പറയുന്നൊരു മുഖം... പേരറിയില്ല എങ്കിലും അവൻ എന്നും എനിക്കു പ്രിയപ്പെട്ടവൻ ആയ പോലെ... 10വയസ്സെങ്കിലും ഉണ്ടാകും അവനു... സ്വന്തം മാതാപിതാക്കൾ അടുത്തില്ലാതെ ദൂരെ ഒരു വീട്ടിൽ കുഞ്ഞിനെ നോക്കുന്നു... അക്ഷരങ്ങളുടെയും കലകളുടെയും ലോകത്തെ അറിയേണ്ട ഈ കുരുന്നു കുഞ്ഞിനെ പാർക്കിൽ കൊണ്ടുപോവുക അതിനെ പൊന്നു പോലെ നോക്കുക.. അതാണവന്റെ ജോലി.. അതിന്റെ അമ്മ ഫ്രണ്ട്സുമായി വർത്തമാനാവും.... ആ കുഞ്ഞ് സൈക്കിൾ ഓടിക്കുമ്പോൾ വീണു.. എല്ലാരുടേം മുന്നിൽ വെച്ചു ചീത്തപറഞ്ഞു.. ആകെ ഒറ്റപ്പെട്ട ആ പാവം ബാലൻ... സ്വന്തം കുഞ്ഞിനെ വെറും 10 വയസ്സുകാരനെ നോക്കാൻ ഏല്പിച്ച ആ അമ്മ... അമ്മമാരുടെ കൈകളിൽ കിട്ടുന്ന സുരക്ഷിതത്വം വേറെ എവിടെ കിട്ടും? സ്വന്തം കുടുംബത്തിന് വേണ്ടി വിദ്യാഭ്യാസവും എല്ലാം നഷ്ടപെട്ട എത്രെയോ  ബാല്യങ്ങൾ... വിലപിടിപ്പുള്ള വസ്ത്രങ്ങൾക്കും റിമോട്ട് കാറുകൾക്കും പിന്നാലെ പോകുന്ന ബാല്യം...  ഇന്നിതാ ഇവിടെ ഒരു ബാങ്ക് വന്നിരിക്കുന്നു.. അച്ചനും അമ്മയും കൂലിപ്പണിക്കാർ.. ആ ബാങ്കിന്റെ പടുകൂറ്റൻ കെട്ടിടം ഉയരുന്നത് വരെ അച്ചനും അമ്മക്കും  മൂന്നുകുട്യോൾക്കും അതാകും സ്വർഗം . ചേച്ചി എന്ന് പറഞ്ഞാൽ ആറു വയസ്സ്.. ബാക്കി കുരുന്നുകൾ... മാതാപിതാക്കൾ ജോലി ചെയ്യുമ്പോൾ കുട്യോൾടെ ഉത്തരവാദിത്വം ആ ചേച്ചിക്കും...  രണ്ട് കുട്യോൾക്കും  മാർബിൾ കല്ല് കഷ്ണങ്ങൾ പെറുക്കി കൊടുത്തും   വണ്ടികൾ കാണിച്ചു കൊടുത്തും മണ്ണിലും സിമന്റിലും ഓടിക്കളിച്ചും  പാവം.. ഇന്നാരെങ്കിലും കുട്യോള് മണ്ണിൽ കളിക്കുന്ന കണ്ടാൽ കയറു അകത്തു പറഞ്ഞാകും വഴക്ക്.. (ഈ ഞാൻ ഉൾപ്പെടെ😂 )ആരെങ്കിലും കൊടുക്കുന്ന പഴകിയ വസ്ത്രവും  എല്ലാം ആയി വഴിയരുകിൽ നില്കുന്നു... അവരുടെ ഉള്ളിലും ഒരു ചോദ്യം ഉണ്ട്... ഇവിടെ ബാങ്ക് വരുന്നവരെ ഈ തണലിൽ... അത് കഴിഞ്ഞാൽ വേറെ കെട്ടിട നിർമാണത്തിന്റെ  ഭാഗമാകുവാൻ..... നിസ്സഹായതയുടെ ചെറു കണ്ണുനീർ തുള്ളികൾ ഒരു മഴയായ് പെയ്യുന്നുണ്ട് എന്നും ഈ കുരുന്നു ബാല്യങ്ങളിൽ.... നല്ലൊരു വർണാഭമായ നിമിഷങ്ങൾ ഇവർക്കേകാൻ നമുക്ക് കൈകോർക്കാം....