അങ്ങനെ വലിയ ആരവങ്ങൾ ഒന്നും ഇല്യാതെ ജീവിതത്തിൽ ആദ്യമായി സർക്കസ് കാണാൻ പോയി.... ആ സർക്കസ് കൂടാരം മുതൽ ഓരോ മൺതരിയിലും ഒരു കൂട്ടായ്മ... നമുക്കതു അന്വർഥമാകുന്നു.... നമ്മളുടെ കുട്യോള് എന്തെങ്കിലും കാണിച്ചാൽ നീ എന്താ സർക്കസ് കളിക്യാണോ??അതോ കോമാളിയോ ??അതേ രംഗബോധം ഇല്യാത്ത വെറും കോമാളികൾ കൂടിയതാണോ സർക്കസ് . ഒരിക്കലും അല്ല.. കാണുന്നവർക്കു ആർത്തു കൂവാം.. വിസിലടികൾ... മേളങ്ങൾ.. അതിനിടയിലും കച്ചവടം ഒപ്പിക്കാൻ തക്കം പാർത്തു ഐസ് ക്രീമും ജ്യൂസും ചിപ്സുമായി നടക്കുന്നവരും.... റിങ്ങിൽ തൂങ്ങി ആടിയും തീ വിഴുങ്ങിയും.. പമ്പരം കറങ്ങും പോൽ കറങ്ങിയും പെൺതരികൾ ഇവിടെയും സ്ഥാനം ഉറപ്പിച്ചു .. അതിനടിയിൽ വയസ്സായ ഒട്ടകവും കുതിരയും ഇവരിൽ ഒരാളായി നിന്നു..... കാണികളിൽ ജിജ്ഞാസ കോരി ഇടുവാൻ ബൈക്ക് സവാരിയും... എന്റെ കൃഷ്ണാ കാത്തോളണേ എന്ന് അല്ലാതെ കൈയടിക്കുമ്പോൾ വേറൊന്നും വന്നില്യ.. ജീവിക്കാൻ വേണ്ടി കോമരം തുള്ളുന്നിവർ... (കഠിന പ്രയത്നം ഉണ്ടെങ്കിൽ എന്തും നേടാം എന്നു ഇവരെ കണ്ടാൽ മതി... )ഒരു തല നാരിഴക്കു തെറ്റിയാൽ മതി ഇവരുടെ ജീവന് തന്നെ ഭീഷണി ആകാൻ.. കൂടു വിട്ടു കൂടു വിട്ടു.... ഞാണിൻ മേൽ ഇനിയും സർക്കസ് കോമരങ്ങൾ ബാക്കി... കൈ അടികളും വിസിലുകളും അതിലുമപ്പുറം ജന സഹസ്രങ്ങളേയും കാത്തുകൊണ്ട് ജംബോ സർക്കസ് തുടരുന്നു.....
No comments:
Post a Comment